UNAJUA JIBU LA ARJEN ROBBEN BAADA YA VAN GAAL KUMUOMBA AJIUNGE MANCHESTER UNITED?

Bagikan :

Tweet

Imechapishwa Julai 13, 2014, saa 10:14 usiku

Arjen Robben amesema kocha Louis van Gaal amemwambia kwamba kuna nafasi yake katika klabu ya Manchester United.

Winga huyo ambaye ni miongoni mwa nyota wa kombe la dunia na alicheza mechi ya mshindi wa tatu dhidi ya Brazil, alisisitiza kuwa ana furaha Bayern Munich, hivyo hana nia ya kuungana na bosi wake wa timu ya taifa anayeondoka kwenda kujiunga na Manchester United majira ya kiangazi mwaka huu.

Aliulizwa na NOS kama anaweza kujiunga na Manchester United majira ya kiangazi mwaka huu, Robben alijibu: “Hapana-hata Van Gaal nimemwambia hivyo. Nina furaha Bayern Munich, lakini anasema kuna nafasi yangu (katika klabu ya Man United).

“Van Gaal ni moja ya makocha bora niliopitia. Tumekuwa na uhusiano wa kipekee.

“Baada ya mechi aliniomba kujiunga na Man United, lakini  sitaondoka. Nipo sehemu sahihi Bayern Munich, kwahiyo sina lolote la kufanya na Van Gaal au United.”.

Tangu aondoke Chelsea mwaka 2007, winga huyo amepata mafanikio katika klabu za Real Madrid na Bayern, akishinda taji la UEFA akiwa na klabu ya Ujerumani mwaka 2013.

Tag : cate-michezo